Jul 2, 2012

Kya maanga?

Titli ke rang nahin maange,
Na chand, na taare, na aasmaa,
Bas itna hi toh maanga tumse humne,
Jatao zara apni chaahat ka nazraana.

Phoolon ke baag nahin maange,
Na moti, na heere, na jevraat,
Kuch bada nahin maange tumse,
Kyun mann tumhara phir hichkicha raha?

Satrangi indradhanush na maanga,
Na zid ki, ke kadmon tale ho jahaa,
Duniya bhulaane nahin kahaa tumse,
Lekin tumne meri guzaarish ko bhula diya.

Sang e marmar ka mahal na maanga,
Na sone ki chaadar, na chaandi ka bistra,
Na lutne na lootaane ki baatein hui tumse,
Aakhir kiss baat ne tumhe itna darra diya?

Pyaar ka vaada kataihi nahin maanga,
Na koi kasam, na saath janmon ka,
Abhi toh shuruvaat hai, kya hoga inse?
Bas thoda apnapan jataane ko kahaa.

Na hum tum jaane, na jaane yeh jaahaan,
Jo kal hoga woh kal dekha jaayega,
Aaj itna hi toh maanga tumse humne,
Jatao zara apni chaahat ka nazraana.

- © Haem Roy

1 comment:

sulagna ™ said...

loved it...so much of love but still there is a lack of it..khub bhalo